الزعل للشاعر محمد الحسيني

أنجانك نويت اعله الزعل ... ودريبك أنته ابلا سبب

علفاضي جانت عشرتك ... يلتصدي طبعك مو ذهب

ولو تمتلك ذرة خجل ... ما تشعل ابدربي حطب

هادء جنت في حظرتك ... يلحظرتك جانت صخب

مايك عكر ما ينشرب ... ما ينفع اوياك العتب

موش انه اف الك نخلنه جنت ... ما غزر اوياك الرطب

ربيتك لحيمي عله دي ... ندمان كلش عالتعب

من دج ولك ريشك كلت ... ما ينبني لعش علكرب

فظيته الك خلكي مثل ... موعد سياسه ويلشعب

ردت اطلع ابناتج فقط ... تنطيني جمع ويه الظرب

وتقسمه عل مامش كمت ... وتكلي ما تعرف صعب
يالناتجك جمع بكسر ... فوك الصفر ما تنحسب

ولنته ابوصالك جن صرت ... مصحوب خاطر تنصحب

ولنته الشمس لمن تضي ... دخانه وغيومك جذب

يلأصلك اغبار الذرة ... وبالعاتيه اصلن ما تهب