انته تسألني اعله الجرحي
اتكلي جرحك ليش يدي ؟؟
وهوه المفارك حبيبه
اشترجه منه ايكول اعدي ..!
جان قيس ايعدي كبلي
اشلون اعدي ...؟!
وانه دمعي ...
نزل سجينت خواصر ... فوك خدي
أو فتح .. بخدودي سواجي أبلون أحمر
أبلون أحمر ... الخزن أسنين أنتظار ..!
وانه بجروحي مدارس
فاتح الكل الزغار ...!
تبدي من دار الأحبهم
و تنتهي ابجلمة عذاب
انته تسألني اعله جرحي
اشلون ما يلتم عجيب ..؟؟؟!
و الله لو يحجي ...
الجرح ... جان فضفض كلشي عنده
و جان يحجيلك سوالف حيل ما كلهه التراب
فاركوني الجنت أحبهم
و يم محطات القطار
اكضي ليلي ابذاك جرحي
بالجن أيردولي ... وشبكهم وشمهم
وك ... ليش فززت الجرح
مو توه نام ...
توه نام
جنت ألوليه يردولك يجرحي
وجنت اغنيله مثل ما غنه واحد
( ردتك تمر ضيف ... وتسكت اليحجون
ردتك تمر ضيف )
ها يهل تنشدني بطل ..؟
خلني وي جرحي اعيش
و الينشدك عني كله
هذا ميت من زمان ... هذا ميت من زمان
السبت أغسطس 06, 2011 9:56 pm