امير المؤمنين للشاعر محمد الحسيني

إلى أمير دولة الزهد و النزاهة علي بن أبي طالب ( ع )
علي تنصيبك ثبت بأمر الجليل
و العدل منك يبو الحملة شرق
وانته في حكمك ظهر حيل أختلاف
عكس كل حاكم عن الديني مرَق
و انته للدنية كلت طالق ثلاث
ابلايه رجعه ومبدأك هذا انطلق
***
وعلي جان ايعين الفقره ابلاش
عكس هسة أتعين الناس أبورق
و لا اخذت باسماء و هميه امتلاك
مو مثل هسه المصارف و الشقق
و علي ما خله حماية أصلن وراه
و لا كطع عل وادم السجه و خرق
***
علي في ذاك الوكت ما سوى سوء
و يده ما مدهه على آبار النفط
و كبل بيت المال عامر بالأمير
هسة بيت مريدي صاير للخمط
علي مرتاح العمر كضا فقير
ما خذاهه أبعنتكه و لهط بالهط
علي مثلك لا تضن واحد يصير
علي بس انته علي الباقي غلط