لطمية ابوذيات للشاعر محمد الحسيني

يهل عفتوني بارض الغاضرية ... هم عدكم خبر زينب سبية
*****
هم عدكم خبر عني وحالي
وانه ظيم الجره بيه وحالي
ما ينسمع بس وني و حالي
و عزه لنصب عله حيود الثنيه
*****
وعزه لنصب عليكم ورجه ليكم
وكشف اجروحي يمكم ورجه ليكم
منهو اليعدل ايديكم ورجليكم
ومنهو ايغمض عيون الحميه
*****
الشمس لجساد أخوتي غيرتهه
و ناشد وين هاشم غيرتهه
عليه خيول أمية غيرتهه
وانه حرمه وغريبة اشلون بيه
*****
عَلي نشدو يخويه حسين من هاي
شجاوب و الكلب يا حيف من هاي
لشمر يوصل لعند خيامي من هاي
وهي نهوة عرب بس زينبية
*****
الوصف ما ضاع عدكم زينب انه
أحملت بالطف شمائل زينب أنه
النشد من هذي عني زينب انه
انه كبش الكتائب هاشمية
*****
الكلب لجروحي يبن امي ونلهه
فقط بس للحزن أعلن و نلهه
أداوي أهمومي بالامي و نلهه
مثل أم التباري اياتم هيه
*****
محمد الحسيني
7/11/2010