هايم ابحب الامام ... موشح للشاعر محمد الحسيني

طار كلبي ويه الحمام ... مثل عاشگ ما ينام
ابحظرت الغالي يطوف
هايم أبحب الإمام ... هايم أبحب الإمام
*****
گلبي عاشگ و العشگ عنواني
و الـغـزل محــلاته في وجــداني
گلبي غـيـر حسـيــن ما حـَب ثاني
بسمة يلهــج عقلي ويه ألساني
صار عنوانه الغرام ... مثل عاشگ ما ينام
و لدليل ويه اليشوف
هايم أبحب الإمام ... هايم أبحب الإمام
*****
خل يلومـون الگـلب بمحــــبتك
يا هو مثل أگليبي حن الشوفتك
يلبس أحرام و يطوف ابحظرتك
أنته جـنه و يا هو يشـــبه جنتك
منو ليوصل هل مقام ... مثل عاشگ ما ينام
قسم يقسم ما يعوف
هايم أبحب الإمام ... هايم أبحب الإمام
*****
گلبي مو عابس ولكن بي جنون
وياهو يوصل هل جنون أويا يكون
وهذا مو طبع العشگ واحد يخون
مغرم الـــدلال بمـحــبـــــته يصون
يسحر بعطرة الكلام ... مثل عاشگ ما ينام
رغم أحقاد الالوف
هايم أبحب الإمام ... هايم أبحب الإمام
*****
ويه ريح إلهـاب اوديـــــــلك نداء
ساكن أبگلبي و سريت ويه الدماء
حلــلّو دمـــي و لــگو بـــي كربلاء
و كـلـشـي بيه أتـحـولت ذرة وفاء
ينوصف بيه الهيام ... مثل عاشگ ما ينام
گلبي ينقشلك حروف
هايم أبحب الإمام ... هايم أبحب الإمام
*****
آخــــــذ مـن تـراب زوارك ثـــواب
من أزورك تنمحي ذنوبي الصعاب
يا شــفة المـــعلول يلبيك الصواب
حاشه مترد واحد و تنطي الجواب
شلتك ابروحي وسام ... مثل عاشگ ما ينام
عشگي واضح للطفوف
هايم أبحب الإمام هايم أبحب الإمام
*****
تمت بعون الله تعالى
20/ 7 / 2010