لهفت عشك
.................... ..
تعنيتك ابلهفت عشك
ونطبع جفي عله بابك
من كثر ما جنت ادك
ونتظرتك ..
هسه تطلع ... يمته تطلع
و طلع بس عطاب كلبي المحترك
و سافرت
و ليل يا خذني قصيده
ابنفس شاعر مختنك
وظلت اعيوني اعله بابك
وصرت اشوف الدنية جن ليلة طبك
ولهواجس تحرك ابروحي مثل خيط الشمع
وذبت بحضان القوافي لبيها بس اكتب عشك
هاي عذراء القصيده
ولقداسه البيها مصيوغه بصدك
خل اسافر
خل اروح وما اريد اصلن اشوفك
انه ما خايف عليه
انا خايف عل قصيده
البيها اشل اجروح رادت تنفتك
انت ما تسوه قصيده
ولا بعد تسوه عشك