رغيف أمي
*******
طفل يسأل 000
عمو شارعنه تبدل 000؟
و الحمامة الجانت اهنا تغفه
شو عشها تهدل
جانت ارويحت حلال اطيور اهلنه
اشعلماها اعله البواجي
و كامت اتفارك نزلنه
وحشه كل سطوح اهلنه
ماكو طير اعليها حط
عمو حتى الحايط اعلي بدلونه
وحال حايطنه تخربط
ماكو فوكا تنكتب ذكرت حبيب
اشلون تنخط
قطعة الموته خذت كل الجدار
و فوكه حط البوم ينغط
عمو مو شارعنه هذا ...؟؟!!
عمو اذكر جانت اهنا نبكَه حلوه
و جانو ايمنعونه اهلنه من المشامر
و العصر وي حلت المدارس
أمي تفرح لو لكت بيدي الدفاتر
وامي تسأل 000 اليادرس يمه و صلتو
اشكتبتو 000 شقريتو 000؟
و فتح ابجفي القراءة
يمه ها لهنا وصلنه
درس رمان احنه اخذنه
و امي يتغير و جهه و ينطي الوان اشكثر
خاف رمانه اريدن
و امي ما عدها كشر
كالت امي 000 يمه مو هذا درسكم
يمه خاف الكبله 000 دقره أول سطر
يمه اخذنا درس ورده
يمه ما عدنه ورد بس القنابل تنفجر
كالت امي 000 يمه خاف البعده شوفه
و من قريته
) العيدُ ) 000 ( خرجتُ يومَ العيدُ (
احتارت امي
بين ورده وعيد جاي
ومشتهات الطفل لو رمانه راد
و كامت اتناجي الخلقها
ربي عجل وموتي ما ريد انتظر
عمو 000 و فتر الزمن فرت حراميه الظهر
و نتهت كل السوالف
و فوك كلشي انكتب تالف
بس رغيف امي شريف
ما نكر ملحت اديها
و ما نكر اصله رغيف
السبت أغسطس 06, 2011 9:39 pm