المحرر Admin
المساهمات : 17 تاريخ التسجيل : 06/08/2011 العمر : 36
| موضوع: النخوة الهاشمية للشاعر محمد الحسيني السبت أغسطس 06, 2011 9:44 pm | |
| زينب من نخت عباس == عد عيناﭺ گا للهه يخت حسين شتأمرين == أبعينه الغضب لاح ألهه *** هاي أربات أبو طالب == أبيوم الحرب معروفه الواحد من تشوفه العين == جنهه آلاف مصفوفه عاد أشلون بالعباس == يا عين التجي أتشوفه من گد ما تعد وياه == تلگه العين مكفوفه تشهد كربله العباس == هز أركان معضلهه *** وزينب من نخت عباس == حلف بالعزة اليعزهه أله الراية يا زينب == أبنهر العلگمي أغرزهه وذا نهر العذب ما جاﭺ == سيفي المشرعة ايحزهه لخليهه أمتداد اتكون == هاي المشرعه أفرزهه و سمي هذا نهر حسين == موش أسم الفرات ألهه *** صاحت يا هله وحياك == يل مذخور للكلفة ما جنه أبحرب عباس == جن عريس و بزفة أجساد مطرحه أعله الگاع == و روس ايطشهن ابجفه ينثرهن عله الغبرة == و كفه أتعادل أبكفه موت احمر تره العباس == طب كربله و زلزلهه *** ناداهه أبعلات الصوت == يا زينب يماي العين مو بس رﮔبتي افديلچ == روحي و عيني و الجفين بس الگلب يا زينب == خليته لخيي حسين مدرع بي نزل للگوم == و لعاين يشوفه أثنين مرة اتشوفه جن عباس == و مرة حسين نازلهه *** زينب سمعت العباس == رفعت راس أبد ما طخ من صدله المعسكر خاف == حيدر هذا لو بي فخ خطة قائد العباس == خطة وما رضت ترضخ ليتراواله أسم حيدر == يعني باسمة يتملخ ﮔلي أشلون لو شافاه == أكيد الروس يعزلهه *** أهدي ثواب هذه القصيدة إلى روح الفقيد المقدس السيد الشهيد السعيد أية الله محمد رضا الشيرازي (( ره )) (( الفاتحة )) 3 / 8 / 2010 | |
|