أخذني الشوك ... يمك و لكلب مشبوك
اخذني الشوك
مثل الهايم ابصحرة ... يغص برمالهه
و يتعاله و ي النوك
اخذني الشوك
أجذب لو كلت مثلك بشر مخلوك ...؟!
لو يبعد خيالي ابعيد ...
لو يبكه أعله مرسه ابحور ..
ما يكدر يوصفك بيش .؟
كلهه اتغار منك ... حتى عين الحور ..!
كالولي اتكابر بالوصف يفلان ..؟
ما همني الحجو .. ما همني كلشي أنكال
ألمهم كلبي اعله مودك .. ما تغير يوم
و لا حسبت دغش .. منك تشت البال
يبو عمبر مسج .. بين الشهيج ايفوح
لا يطرح زفير .؟ و لا ترده الحال .!
زفيرك من يرد بين المرد مفتون
علي تتحسر اشما تسمع العذال
من نشدو عليك أتعذرت ياروح
ما جاوبت عنك ... جاوب الدلال ..
جاوب عن محب ما غيرته اسنين
ثابت ما تغير طبعه و المنوال
مثل ثوب الشرف .. ما فشل اللباس
لا يعتك ... و لا يركد على الشيال
كالولي من المكابر عاد ... بسك عاد
هذا منين ..
كلت أجمل اسم اسمة
ابد ما نوصل الرسمة
أخذ من الكرم والطيب
أخذ منه العلم حكمة
اخذ منه جثيره اسماء
تعجز بيهن اتحجمه
أهو الوالي
أهو الغالي
أسد ضرغام\ما ينظام
فاني ابيمنته الاصنام
أهو الغلاب .. داحي الباب
خامد فتنت الاحزاب
كل ذني و بعد اسماء
و نته ابعينك اتفكر
من اشرحلك المنضر
يهتز العرش و اللوح ..
من أذكر اسم ( حيدر )
يهدى ثواب هذه القصيدة
الى روح الفقيد المقدس
ايه الله الشهيد السعيد
السيد محمد رضا الشيرازي ( قس سره )
- الفاتحة